ماتستناش الشغل يجيلك

إخلق شغلك

بنفسك

من بيتك


عن م البيت


فى مصر 3,5 مليون شاب مش بيشتغلوا و بينضم ليهم كل سنة 350 ألف طالب بيتخرجوا من الجامعة معظمهم معندوش فرصة عمل لأن اللى متوفر 100 ألف فرصة عمل جوا مصر، و علشان كده بنحاول نساعد الشباب حديثى التخرج أنهم يشتغلوا من البيت، بالتدريب على مهارات زى التصميم و البرمجة و التسويق يقدروا يشتغلوا بيها أونلاين و يقدموا خدماتهم فى سوق فيه أكبر عدد ممكن من أصحاب الشركات الصغيرة و المتوسطة اللى هيستفيدوا من خدماتهم فى الوصول لعملاء جدد فى و فتح أسواق جديدة لمنتجاتهم و خدماتهم و ده هيساعدهم فى تنمية حجم أعمالهم و أدائها بسهولة أكبر.

  • مليون و 900 ألف طالب جامعى

  • 350 ألف خريج فى السنة

  • تدريب على التصميم و البرمجة و التسويق الإلكترونى

  • سوق للعمل الحر

  • عملاء أكثر، نمو إقتصادى، فرص عمل أكثر


إحنا بنعمل ايه؟


MOOC

من البيت هو منصة مفتوحة للتعليم بتساعد الشباب أنه يتعلم تصميم و برمجة و تسويق على الإنترنت، ودي مجالات مطلوبة جدا فى سوق العمل و سهل تعلمها و سهل اللى يتعلمها يشتغل و يحقق دخل كويس، كمان الشركات بتعتمد على الخدمات دى فى تسويق منتجاتها و خدماتها.

Marketplace

سوق إلكتروني تقدر تقدم فيه خدماتك زى تصميم الهوية وتطوير مواقع الإنترنت والتسويق بالشبكات الإجتماعية اوعبر محركات البحث وبتكون معروضة لأصحاب الشركات يقدروا يستفيدو منها بنظام العمل الحر يعنى بتقدم الخدمة بمقابل مادى و بتنتهى علاقتك بالمشروع بمجرد تسليمه.

Enterprise

الإحصائيات بتقول أن 55 % من الشركات اللى ليها وجود على الإنترنت قدرت تطور أعمالها بنسبة 20 % مقارنة بشركات مماثلة مش موجودة على الإنترنت،فإحنا بنساعد أصحاب الشركات الصغيرة و المتوسطة يطوروا أعمالهم و ينموها عن طريق وجودهم على الإنترنت.


البداية


هتكون تدريب 1000 شاب و شابة على العمل من المنزل فى مجالات مختلفة زى التصميم و البرمجة و التسويق، التدريب معانا مختلف شوية يعنى مش هتلاقى حد بيشرحلك دروس ولا بيقولك تعمل إيه لكن الهدف من البرنامج التدريبى فى اى مجال أنك تستكشف بنفسك المجال ده و فى حد بيساعدك بخبرته العملية. يعنى هنساعدك تعلم نفسك بنفسك .. التدريب عبارة عن مجموعة من الفيديوهات لكل فيديو مهمة مطلوب تنفيذها وفى مجموعات عمل بتشتغل معاها علشان تنفذ مشروعك غير أن فى مشروع لازم تعمله لوحدك، الهدف من كل ده هو أنك فعليا تكون أخدت معلومات و بدأت تطبقها و تقدر تشتغل جوا فريق و كمان تقدر تشتغل لوحدك.


مجالات التدريب


تطوير المواقع

  • - تطوير واجهة المستخدم (Front end)
  • - تطوير خلفية المواقع (Back end)

التسويق

  • - التسويق الالكترونى
  • - التسويق بالبريد الإلكترونى
  • - التسويق بالشبكات الإجتماعية
  • - التسويق بمحركات البحث
  • - المحتوى الرقمى
  • - المبيعات على الإنترنت

ادخال البيانات

التصميم

  • - تصميم الجرافيك
  • - تصميم الويب

البرمجة

العمل الحر

مسار تدريبى الزامى مع كل التخصصات الهدف منه تتعلم ازاى تجيب أول عميل و تعمل portfolio و تسوق لنفسك سواء على الانترنت أو على الأرض و كذلك كيفية خدمة العملاء و المحافظة عليهم.


فريق العمل



إتصل بنا



سيبلنا ايميلك و هنقولك أول ما نبدأ